Денеска, протестите насловени “Спас за Прилеп“ започнаа повторно со едночасовна блокада, од 7 до 8 часот , на патот Прилеп-Плетвар, кај месноста Заполшки мост, како револт поради ископите на „Бехтел и Енка“ и поради владината одлука за издавање концесија. А, потоа мирните протести продолжија пред зградата на Општината .
Револтот на жителите е поголем по владината одлука донесена од 24 јули за издавање концесија на „Бехтел и Енка“ за мермер. Одлуката, велеат прилепчани ,ќе ја оспорат пред Уставниот суд. Оствариа и средба со градоначалникот на Прилеп.
По средбата со градските власти, адвокатот Жаре Стеваноски, кој ја застапуваше групата граѓаи изјавие дека добил ветување дека до четврток , градоначалник на Прилеп, Борче Јовчески ќе закаже средба со директорот на ЈП за државни патишта и дека ќе закаже средба со Министерот за животна средина и просторно планирање, па доколку тоа не се случи ќе излези заедно со граѓаните.
„ Свесен е за состојбата во која се наоѓа локалната самоуправа и можностите кои ги има на раполагање, добивме ветување дека градоначалникот, најдоцна до четврток, ќе организира работен состанок со директорот на ЈП за државни патишта и со нивни претставници, со цел да ги соочиме аргументите „за“ и „против“ отворањето на рудникот во селото Оревоец. Јас сум повеќе од убеден дека немаше до ова да дојде доколку се одржење состанок со ЈП ДП и со министерот за транспорт и врски, што ние баравме. Дополнително, во поткрепа на нашите аргументи ги имаме наодите на вештите лица кои, буквално укажуваат на опасноста која претстои од сите аспекти, во однос на животната средина и природата, и во однос на изворите и по однос на спротивставеноста на самата одлука со Законот, зашто за село Оревоец во 2022 година е донесен детален урбанистички план, па така и за издадената концесија и оваа одлука е незаконита. Дополнително, одлуката на влада ќеја оспориме пред управниот суд, изјави Стеваноски. “ рече адвокатот Жаре Стеваноски
„ Очигледно со издавање на концесита станува збор само за пари, зашто на концесијата јасно стои дека се издава за мермер. А патишта со мермерни плочки не се прават, изајви Дејан Ачкоски.
„Продолжуваме со барикадите, кај селото Оревоец„ порачаа прилепечани кои не се откажуваат од својата намера за спас на животната средина и забраната за ископ од страна на компанијата „Бехтел и Енка“ на овој простор.