Од денеска во Прилеп стартува деветиот Меѓународен меморијален ракометен турнир „Миле Нешкоски“ . Шест екипи ќе се борат за пласман во финалето наредниве 4 денови. Турнирот во Прилеп што се игра во чест на Миле Нешкоски, ќе стартува со положување на свежо цвеќе на споменикот на ракометарот (пред Универзалната сала) што остави длабока трага во македонскиот ракомет. Од 18:00 часот во спортската сала „Ристе Ристески Ричко“ ќе се одигра мечот меѓу Охрид и Куманово, додека од 20:00 часот на програмата е средбата меѓу домаќинот Прилеп и Еурофарм Пелистер 2.
