Бутел пресилен за Прилеп

Новиот ракометен суперлигаш Бутел беше пресилен за екипата на Прилеп. Со убедлива победа од 31-18 домаќинот славеше над прилепчани. До оваа убедлива победа ракометарите на Бутел стигнаа најмногу благодарение на проблемите со лиценците на дел од ракометарите на прилепчани, кои на овој дуел играа со само осум ракометари. Прилеп целиот меч го одигра со шест ракометари во поле и двајца голмани
Домаќинот уште од самиот старт по само 10 минути игра успеа да постигне десет гола, а да прими само еден. Разликата се зголемуваше како одминуваа минутите па тренерот Котевски им даде шанса на сите расположени ракометари.
Најдобри поединци во победничката екипа беа Жегарац и Георгиевски со по пет гола, додека Чупетрески постигна скоро половина од головите за Прилеп (8).