Во еко акција „Еко Прилеп“„ по повод Денот на екологијата ,ЈКП Комуналец,граѓани волонтери, пензионери, ученици со своите наставници, планинари,го чистеа сметот во паркот на Могилата на непобедените, депониите и расфралниот смет околу новите и старите градски гробишта, двете страни на патот до с.Волково, патот до депонијата „Алинци“, двете страни на патот до Вештачкото езеро, каде има четири диви депонии и кај манстирот Св. Димитрија, Селце,кај манастирскиот комплекс, Трескавец.
Ги прашавме граѓаните „Колку се грижиме за нашата околина и каде го фрламе отпадот?“
Пензионер: „Дојдов само иницијативно да чистам и многу сум разочаран од она што го видов . Ептен не чисто! Културата ни е на ниско ниво! Предлагам еднаш неделно да се воведе час по екологија, како некогаш ние што имавме час по домаќинство, за да се учат децат од мали како да ја чуваат и почитуваат околината. Ене, и кај паркот кај Судот, ги носат децата родителите да играат, и истите тие,тука фрлаат отапд и растураат. Срамота!“
Планинар: „Планинарите имаа едно правило – ранецот ни е корпата за отпад. Ако секаде по планините кај што одиме вака растурам, нема ништо да биде од околината.Така сите треба да научат да се однесуваат кон природата, а не пикавците да ги фрлаат преку прозорецот од автомобилот, доаѓајќи, тука на прошетка !„
Наставник: „Страшна беше глетката кога дојдовме со учениците да чистиме.Напочнивме повеќе од 20 црни кеси со ѓубре: пласитчни и стаклени шишиња, најлонски кеси и секаков друг отпад. Човекот очигледно воопшто не се грижи за својата околина!„
Градоначалникот на Прилеп, Илија Јованоски повика на свеста на граѓаните : „Колку што граѓаните можат да растурат, толку ЈКП „Комуналец„ и невладините еко организации не можат да соберат. Затоа апелирам граѓаните да не растураат смет во градот и околината и да се подигне свест за чување на животната средина “
Во рамките на акцијата, денска засадени се и околу 300 листопадни и зимзелени садници на парковските површини на Могилата на непобедените, во централното градско подрачје и во паркот кај судот.
ЈКП „Комуналец„ се заблагодари на сите кои учествуваа во акцијата, а особено на компаниите кои ги донираа садниците.
Фото:
