ЏК Сеишен, викендов, со медалји од два турнири

На покана на Џудо федерацијата на Војводина прилепските џудисти учествуваа на првиот Меморијален меѓународен турнир „Великаните на Војводина”, но и на домашен терен „Прилеп опен 2019“.
И од двата „фронта“ во Војводина и Македонија, Џудо клубот Сеишин се претстави успешно. Џудистите во силна конкуренција на турнирот во Војводина каде учествуваа над 700 натпреварувачи од околу 55 клубови од 7 држави се покажаа во најдобро светло. Членовите на Сеишин на овој високо квалитетен и исклучотелно тежок турнир освоија 4 бронзени медали во кадетска конкуренција: Теодора Димеска и Ема Димитријоска во категоријата до 48кг, Марија Талеска до 52 кг и Јован Најдоски +90 кг.

На домашен терен во Прилеп клубот предводен од мајсторите Чадамов и Ѓураков настапија на традиционалниот турнир „Прилеп опен 2019“ каде освоија 8 медали- 2 златни, 3 сребрени и 2 бронзени.