Учениците од ОУ „Страшо Пинџур“ с. Мало Коњари, учесници во работилницата на тема „Бидете сигурни дека ги препознавате лажните вести“ кои учеа, и теоретски и практично, како да ги препознаат лажните вести и како се креираат вестите во медиум, одбраа соговорници и направија уште два интересни радио прилози. А, новата водителска двојка, од емисијата “Од млади за млади“ ги пуштија во етер, во нивната програма, која се емитуваше на 28 – ми декември.
Наставникот по физичко образование , Иле Мишески, беше во интерес на учениците – учесници на работилницата , затоа што тој, со неговото залагање и добро познавање на фудбалот, ја всадил љубовта кон спортот на многу ученици, особено на девојчињата кои играат фудбал и освојуваат награди во футсал. Од училиштето „Страшо Пинџур“ од с. Мало Коњари, има најмногу девојки кои тренираат и играат фудбал во градскиот женски фудбалски клуб „Деспина“. Со наставникот, интервјуто го водат учениците Марија , Анастасија и Јована. Следната група ученици како соговорник го избраа директорот на училиштето Ирена Кировска, и се интересираа за начинот „како се менаџира со училиште?“
Радио прилозите беа емитувани на 28 декември во емисијата „Од Млади за млади “, 
која ја водеа Сотир Маркоски и Марија Николоска, ученици , кои учествуваа во проектот на тема „Учење за медиумите од најмала возраст“ од СОУ Наум Наумоски Борче – Крушево, и кои благодарение на проектот, и запознавањето со реален мдеиум, се вклучија во радио водителството, интересирајќи се за вклученост на младите во медиумите. Нека ни е среќна соработката!
И, оваа емисија Радио Пела, преку стриминг ја емитуваше во живо на својата социјална мрежа
https://www.facebook.com/radiopela/videos/372537523592083/