Македонка Ристеска, професионален шивач, со самостоен шивачки дуќан, неуморно, сама шие, заштитни капи и калоши, („штитници“ за обувки), од најлонски кеси, за еднократна употреба, за медицинските лица. Шие по 300/400 парчиња на ден, а работата ја започнала пред две недела.
Најпрвин, набавила сама најлонски кеси, се приклучила кон социјалната група за помош на медицинскиот персонал и во недостиг на работа, ( шиење фустани, здолништа итн поради вирустот) , и , со мислата „подобро џабе работи, џабе не седи“, таа одлучила својот шивачи салон да го пренамени за потребите на лекарите и медицинските сестри.
Тоа се обични најлонски кеси кои се продаваат во маркет . Својата изработка им ја понудила на здравствените работници, најпрво во ЈУ Здравствениот дом – Прилеп, а потоа побарувањата се зголемиле и за потребите на Општата Болница „Борка Талески“ – Прилеп.
“Снема работа, но сакав да бидам активна . Цели месец размислував како да бидам корисна и се вклучив во социјална мрежа за донација , каде ја понудив мојата работа без профит. Прашав кај медицинските лица и рекоа дека од најлон заштитата, може да послужи за една употреба. И, така почнав. Купив најлон кеси, копчарот ми даде бесплатнен конец- ластик и направив неколку заштитини капи и им ги понудив на ЈЗУ Здравствен дом – Прилеп“- раскаживува за Радио Пела, Ристеска
При недостиг на најлон кеси , така побарала помош од донатори. Но, не наишла на разбирање кај дел од прилепчани.
За нејзината иницијатива дознала госпоѓа од Охрид, која имала фабрика за производство на најлон кеси и таа деновиве и донирала над 10.000 парчина најлонски кеси. Сега Македонка неуморно шие за сите здравствени работници. Салонот е полн со најлонски кеси, кои се селектирани уредно, по боја , за секоје болничко одделение ,одделно.
Таа апелира и ги поттикнува сите оние кои имаат дома машини за шиење да ја преземат нејзината идеја и да почнат креативно да придонесуваат во изработка на најбараниот матерјал, медицинска заштита.
“Кој има дома машина за шиење, кој е слободне, нека дојди , јас сега ќе му дадам најлони, ќе му дадам и конец, ќе им ја покажам техниката на работа и задно да придонесуваме во изработката на што повеќе заштитни средства за една употреба за здравствените работници. Но, овие заштитни капи и калошки можат да послужат и за медицинските лица од здравствените амбуланти, за заштита на продавачите во маркетите, на аптекари итн. Докторите од инфективното одделение од Прилеп се презадоволни и велат дека им требаат многу, бидејќи се за една употреба, како, заштитните капи, така, и калошите за на нозе, ,и се фрлаат. Затоа е потребно да се вклучат повеќе луѓе во нивна изработка. Во моментов се вклучени мои две пријателки, но потребно е турбо да се изработуваат. Затоа, добредојдени се сите кои сакаат да работат. Треба да бидиме корисни, да ги заштитиме нашите здравствени работници“ – потенцира, Ристеска со насмевка и надеж дека и други занаетчии ќе се вклучат во нејзината иницијатива.
Сега, Македонка Ристеска вели е исполнета ,бидјеќи помага, и е сеќна што дава свој придонес во заштитата на лицата кои денес се на првата борбена линија во борбата против пандемијата , и најдефицитарни – медицинските работници!
Целиот разговор мож да го погледнете и на нашата facebook страна: https://www.facebook.com/radiopela/ #SediDomaSoRadioPela емисија емитувана од 06.04 2020 година
