По неколку дневното зголемување на новозаразени со двоцифрени бројки, според информацијата од Центарот за јавно здравје, за состојбата во општина Прилеп, денеска, четврток 27 август регистрирани се 5 нови случаи на коронавирус, а едно лице оздравело од заразната болест.
Од последици на заразната болест, почина едно лице на возраст од 65 години. Бројот на активни случаи изнесува 92, од кои 71 се наоѓаат на домашно, а 21 на болничко лекување;
Вкупниот број на заразени од Ковид-19 од почетокот на пандемијата изнесува 435.