Според информациите од Центарот за управање со кризи во општина Прилеп, пожарот во атарот на с.Ракле – с.Никодин – с.Топлица е активен со јак интензитет. Од с.Ракле евакуирани се 2 неподвижни стари лица и префрлени во својот дом во Прилеп. Интервенцијата ја спроведе екипа од МВР ПС Прилеп со возило на ПС Прилеп. Во с.Ракле останати се уште 5 лица, а интервенираат 7 пожарникари од ТППЕ Прилеп и 10 лица од месно население. Околу 19:45 часот добиена е информација дека пожарот го префрлил регионалниот пат Прилеп – Градско и се шири кон с.Радобил. Пожар на потегот с.Дрен – с.Смолани (општина Прилеп) во кој гори сува трева, смрека, чолија и лисната постелка е со јак интензитет. На истиот локалитет има и еден приземен пожар на м.в.Мањов Дол, каде гори нискостеблеста дабова шума. Интервенираат 3 пожарникари на ТППЕ Прилеп и 2 лица од месно население, како и 7 вработени од ШС Црн Бор Прилеп.
Критично на потегот на превојот Плетвар, во селото Ракле пожарот стигнал до црквата, состојба со пожарите до 8 часот
