Вчера (07.10.2021 во 14.00 часот) во Полициската станица Прилеп било пријавено дека на регионалниот пат Прилеп-Македонски Брод, на крстосницата кај с.Мажучиште, се случила сообраќајна несреќа помеѓу патничко возило „опел фронтера“, управувано од лицето со иницијали Д.Р. (26) од с.Лажани, прилепско и патничко возило „ауди“, управувано од лицето со иницијали Р.Ф.(37) од с. Десово, прилепско, и двете со прилепски регистарски ознаки.
Во несреќата со тешки телесни повреди се здобил сопатникот во патничкото возило „ауди“, Ѓ.Т., а со телесни повреди се здобил возачот од другото возило, Д.Р, констатирани во Градската болница Прилеп. Увид на местото извршила екипа од Полициска станица Прилеп.