500 садници багрем беа засадени околу манастирот Св.Димитрија, с.Селце. Еко акцијата, во организација на Диме Велески кој ги донираше садниците, беше широкоградо прифатена од пријатели, вљубеници на природата, екологистите и извидниците, кои со алатки за пошумување, тргнаа утрово кон манастирот Св.Димитрија, прифајќајќи го предизвикот и повикот да учествуваат во, оваа, еко акција за пошумување на овој простор, често посетуван од излетници.
Во акцијата за пошумување на голините околу манастирот Св.Димитрија се вклучија и членовите на извидничкиот одред “Феникс“, членови од спасителната служба „Златоврв„ предводени од претседателот Дарко Неданоски, преставници од граѓанската иницијатива „Еко Свест“ – Прилеп, а убавиот, сончев ден, ги „извади„ од дома и најмалите, да учат “од мали нозе“ како треба да се чува, обновува и заштитува животната средина.
Малата вредна група денеска направи добро дело на природата. И, ветија дека нема да застанат тука, само се надеваат дека и општината, и останатите локлани институции, во иднина ќе дадат свој придонес и ќе ги поддржат ваквите граѓански иницијативи и акции за пошумување на околината со цле заедно да придонесат за подобра животна средина .
Податоци кои можеби ќе Ви бидат интересни – Макеоднија речиси не пошумува!
Македонија спаѓа во средно пошумените земји, официјално некаде околу 47 проценти во државата е под шума и шумско земјиште. Нелегалната сеча во земјата претставува сериозен и долгорочен проблем, којшто го доведува во прашање одржливото управување со шумите.
„Чувари“ на шумите“ се шумската полиција и шумочуварите, но нивната работа често е попречена од насилните дрвокрадци, кои делуваат oрганизиранo и често употребуваат сила и закани за остварување на своите нелегални цели.
Само во периодот помеѓу 1980 и 1989 година, во Македонија биле пошумени вкупно 76.587 хектари површина, повеќе отколкув во наредните трите наредни децении : во периодот од 1990 до 1999 биле пошумени 32.041 хектари, во следната деценија 2000 – 2009 година – 19.924 и во последната деценија од 2010 до 2019 година биле пошумени само 11.801 хектари површина.