” Кога ќе ги нема овие слики низ прилепската пешача зона и старата прилепска чаршија?! – се прашуваат прилепечани.
Градоначалникот Јовчески излезе на терен заедно со вработените од Секторот за урбанизам и ја разгледа локацијата каде треба да се реализира проектот „Архитектонско и партерно уредување на јавна површина – пешачка патека, улица „Борка Талески“ со цел да се утврдат можностите околу санирање на оваа пешачка зона.
Со реконструктивно – градежни активности би била опфатена површина од 2700 м2 на потегот од местото каде е поставен споменикот на Пеце Атанасоки па се до основното училиште „Кочо Рацин“. Со партерното уредување на овој потег предвидено е да бидат поставени нови плочки, урбана опрема и осветлување на јавниот простор, пишува на општинскиот веб портал.
Реконструкцијата на улицата „Борка Талески“ во центарот на Прилеп беше едно од предизборните ветувања на градоначалникот Јовчески.