Две пријателски фудбалски средби во Прилеп: БРАТСТВО ДАДЕ ОТПОР, ПОБЕДА РЕМИЗИРА

Двата прилепски второлигаша од групата Исток, Победа и Братство од Житоше, првенствената пауза ја искористија за одигрување пријателски средби.

На Градскиот стадион „Гоце Делчев“ екипата на Победа изваде нерешено, 0:0 со прволигашот Борец од Велес. Тренерите Дарко Крстески и Јане Николоски ги испробаа своите тимови во пресрет на првенствените мечеви дома, Победа со гевгелиски Кожуф, Борец со тетовска Ренова.

https://www.facebook.com/ShampionMK/videos/4568053169930146

На игралиштето со вештачка трева Братство со минимални 2:3 (1:1) загуби од охридска Воска. Головите за Братство ги дадоа Антонио Димоски и Наим Мустафоски, а за Воска стрелци беа Наум Велјаноски, Никола Миткоски и Теофил Силјаноски.

Тимот на Ромер Муриќ покажа дека може да се носи со силни ривали, како што е Воска, второпласирана во второлигашкиот Запад. Во наредното второлигашко коло Братство игра со Беласица во Струмица, а Воска со Кораби во Дебар.