Емотивно но повторно со голема концетрација на теренот , прилепскиот фудбалски судија Зоран Костоски – Жере , ја заврши својата судиска кариера на дуелот помеѓу Гарван од Десово и Канатларци. Зоки долги години ја делеше судиската правда ширум стадионите низ земјава , дали во младинска конкуренција , дали во општинска лига , трета или втора и прва македонска фудбалска лига. И на последниот дуел , Костоски вели дека треба концетрација од почеток до крај без разлика дали е прв или последен натпревар за судење.
Пред почетокот на последниот натпревар во кој Костоски ја имаше задачата да ја дели правдата , неговите колеги и соработници го изненадија со многу подароци како знак на голема благодарност што заедно со нив , долги години беа на терените и донесуваа многу важни судиски одлуки.
И тимот на Радио Пела , во отворената програма РАДИО ШТО СЕ ГЛЕДА , на Костоски му посака многу успеси во понатамошните негови активности во фудбалот.Во продолжение погледнете го во целост разговорот со Жере.