По немилиот настан во прилепската болница, кога при обид да се премести апаратот за стрес – тест се скараа докторот и директорката на болницата , кој настан  преминал во тепачка, турканици и вербални навреди, меѓу лекарот и дел од вработените од болницата, прес,  како преставник од ОК на ВМРО ДПМНЕ одржа д-р Трајче Режаникоски, доктор – интернист во прилепската болница и советник при Советот на Општина Прилеп, кој го осуди насилството меѓу колегите, но посочи дека префрлањето на стрес -тест апаратот од Спортска медицина во Интерното одделние, не билодобро решение.  Исто така, тој тврди дека како дел од интернистичкиот тим лекари, не бил информиран за оваа дисклокација на апаратот. Тој на  пресот истакна дека во болницата не е проблем само расипаниот стрес –тест апарат во Интерното одделние, туку поголемиот дел од виталните апарати во прилепската Општа болница, или не се во функција, или работат периодично,

„Не работат КТ, мамографот, гастроскопот, колоноскопот, а ехото за срце едвај се користи,а  пациентите ги праќаме низ градовите каде има термини„-рече гој на денешната прес конференција

„Прес е свикан во врска на немилиот да не речам срамен настан поврзан со обидот за насилното превземање на апаратот за коронарниот стрес тест од Службата за спортска медицина за во интерното одделение каде работам и мое видување како општински советник
1. Споменато во изјавите дека одлуката е донесена после повеќе стручни состаноци. За стручен состанок за овај проблем во Интерното одделение не сум известен и незнам кога е одржан ниту за тоа кој ќе работи и за обемот на работа Сите информации ги добив од медиумите

2. Коронарниот стрес тест функционираше до пред 10 години додека имаше желба иентузијазам. Дознав дека сега се сака да врати оваа дијагностичка метода во комбинација со спортска медицина. Причина немање на апарат. Моето мислење . Апаратот во спортска медицина сигурно е стар околу 10 години и ако се планира заживување на методата во некаков обем во Интерното одделение да се направи со нов апарат. Оптоварување и ракување со стар апарат од персонал од две служби ( еден ден интерно одделение четири
дена спортска медицина ќе значи можност да се остане и без тој апарат и да ја затвориме и

Службата за спортска медицина со последици за многу спортисти.. И наместо да се војува треба да се седне и да се разговара. Околу дијагностиката во болницата
Главни места за дијагностика
1. Интерното одделение организациски со дежурства на секоја четврта вечер доведено е да работи со минимум или без термини за дијагностика како гастоскопијата и секако мал финансиски ефект Пациентите се снаоѓаат како знаат и умеат. Не сум сигурен и за планираните 4 термини за коронарен стрес тест месечно
2.Рендген службата е оставена со двајца лекари и во време на одмори работи еден лекар исклучиво на итни случаи помогнат од лекари од Битола и Скопје само за дежурства. Можности за термини за преглед нема, освен за итни случаи упатени само од специјалист . Матичните лекари неможат да закажуваат за дијагностика и се оставени само на основен лабораториски пакет и издавање на рецепти и различни приоритетни упати за работи кои сами можат да ги решат.
Последиците ќе следат со општа незаинтересираност на младите лекари за работа како матичен лекар и дефицит матични лекари . Проблемот ќе трае и наредните години до враќање на испратените лекари на специјализација. Ако и на тие лекари им се дозволи да заминат проблемот станува траен и непоправлив
Околу техниката. КТ и мамографот не се во функција и пациентите ги праќаме низ градовите
каде има термини. Болничките пациенти со возила се носат за дијагностика во Битола . Договарањето го врши менаџерскиот тим. Магнетната резонанца е ставена во функција само за снимања на глава ,  рбет и колено и упати од невролог, ортопед и физијатар кој ги чита наодите незнам . Ситуацијата не е добра. Треба објективно да се претстави состојбата и да се бараат решенија. И, ако не можеме да набавуваме нова или тешко ни оди сервисирањето на опремата добро би било градот да ја знае финансиска состојба на прилепската болница “. – рече д-р Трајче Режаникоски на деншната прес конференција на ОК на ВМРО ДПМНЕ

За тeпачка меѓу доктори и медицински лица во Прилеп се поднесени соодветни пријави

Инаку, на 2 јуни во прилепската полиција Г.Ј. (48) од Прилеп пријавил дека во амбулантата за спортска медицина лоцирана во Центарот за јавно здравје Прилеп, бил физички нападнат од В.Д. и И.С., вработени во болницата.

А,пак на 3 јуни К.С. (47), директорка на ЈЗУ Општа болница Прилеп пријавила дека  додека во Одделот за спортска медицина надлежна комисија на болницата требала да го дислоцира стрес-тест апаратот, настанала физичка пресметка предизвикана од докторот Г.Ј. кој бил против одлуката за дислокација на апаратот и ги спречувал службените лица во вршење службено дејство.

Се преземаат мерки за расчистување на настанот и по целосно документирање ќе бидат поднесени соодветни пријави.