Од ноќеска на полноќ, цената на бензинот ЕУРОСУПЕР БС-95 се намалува за три денари по литар, а другите горива поевтинуваат за 2,5 денари за литар.
Новата малопродажна цена на ЕУРОСУПЕР БС – 95 изнесува 105,5 денари за литар, ЕУРОСУПЕР БС – 98 ќе се продава за 108, ЕУРОДИЗЕЛ БС (Д-Е V) за 101, а Екстра лесното масло за горење (ЕЛ-1) за 99,5 денари за литар.
Со одлуката на РКЕ за 1,085 денари за килограм се намалува и малопродажната цена на Мазутот М-1 НС и ќе изнесува 51,564 денари.