Проект за заштита на животната средина во Преспа

Од Елизабета Филипоска На 11/07/2022

Во Ресен, на 6 јули, се одржа конференција за почеток на проект за заштита на животната средина во Преспа.

На конференцијата присуствуваше проектниот тим и партнерите во проектот, односно Oпштините на чело со градоначалниците Јован Тозиевски од Ресен и Едуард Дуро од Девол, а повеќето од присутните беа претставници на институции, земјоделци и земјоделски друштва, претставници на училишта и сл.

Проектниот тим ги презентираше активностите на проектот кои ќе придонесат кон заштита на животната средина особено со изградба на канализациски мрежи и пречистителни станици во двете општини, како и подигање на свеста кај граѓаните и зајакнување на прекуграничната соработка помеѓу луѓето и институциите од двете страни на границата.

Проектот „Превенција од ризици за практики за животна средина за земјоделци – ПРЕСПА“ е финансиран од Европска Унија од програмата за прекугранична соработка помеѓу Република Северна Македонија и Република Албанија, а во реализација на Центар за граѓанска иницијатива од Прилеп, Општина Ресен, Организација за управување со дестинации од Корча и Општина Девол.