Победа го порази Тетекс во Прилеп, во дербито на двата големи македонски брендови, славејќи со 5-1 во пресметката од воведното коло во Втората лига. Победа одигра фантастично, а Јорданчо Наумоски, потсети на играта на неговиот татко, Тони Наумоски, особено по изведбата на слобдните удари. Прецизно и во агол, од слободен удар во 74 мин, Наумоски го префрли „живот ѕид„ и и’ го донесе на Победа трегиот гол .
Уште од првата минута играчите на Победа ја уверија публиката дека ќе види одлична игра, многу голови и шанси. Натпреварот беше богат со убави потези и брза игра од двете страни, црвен картон за гостинскиот голман Амзаи, одбранет пенал на Николоски. 
За Победа стрелци беа Филип Димоски во 1 минута, Дарко Грозданоски 13, Јорданчо Наумоски 74, Анатолиј Петејчук 77 и Филип Спиркоски во 90, додека за Тетекс Матео Софијаноски го погоди голот на Победа во 36 м.
ПОБЕДА: Николоски, Талески, Стомнароски, Кочоски, Дебрешлиоски (58. Горгиовски), Ф. Димоски (85. Ф. Спиркоски), Наумоски (85. Богевски), Кукески, А. Петејчук (88. Л. Петејчук), С. Спиркоски, Грозданоски (85. Алимоски). Тренер: Филип Мирчески.
ТЕТЕКС: Амзаи, Стојковски, Спасовски, Мат. Софијаноски, Богдановски, Салији (60. Елмази, 74. Богојевски) , Мар. Софијаноски, Јанакиевски, Обадиќ (26. М. Јаневски), Ристески, Јакимоски,. Тренер: Стојан Тодороски.
НАРЕДНО КОЛО (сабота 19 август): Башкими-Победа!
Преземено: