Забава која трае до раните утрински часови , фестивалски денови кои долго се чекаа , прилепскиот фестивал на пивото “Beer Weekend Прилеп 2023 “ од вечерва во центарот на Прилеп и во центарот на вниманието. Се местат штандовите , се прават последните аудио проби , се вжештува атмосферата пред вечерашното отворање и секако забавата која ги очекува посетителите.
На првата фестивалска вечер ќе настапат Тропико Бенд , Ламбе Алабаковски, ТијанаМ и Миле Кузманоски.
Ова е само почеток на тридневната пиво фестивалска атракција која традиционално е поврзана и со вкусот на прилепската скара како и гостопримството на прилепчани па затоа и сите се добредојдени на незаборавно дружење и одлична забава.