В сабота, на 16 ти септември, прилепчани се организираат да го кренат гласот против загадувањето на воздухот кое што последниов месец се случува од сеуште непозната локација за надлежните служби. Протестот е закажан за во 11 часот на улица “Александар Македонски” во близина на фабриката Младост, односно во близина на некогашната фабрика Еуроинвест 11 Октомври. Граѓаните се жалат на загадување на животната средина, на воздухот кое се чувствува во вечерните и ноќните часови. Велат дека се шири смрдеа и загадување од некои хемиски супстанци кои горат. Оние што живеат во близина на локацијата каде ќе се одржи протестот им пречи на дишењето, се чувствува на грлото, не можат да отворат прозорци… Надлежните инспекциски општински служби засега немаат одговор – ОД КАДЕ ДОАЃА ТРУЕЊЕТО!
