Делегација на општина Прилеп, предводена од градоначалникот Борче Јовчески, пратеникот на ВМРО ДПМНЕ ,Петар Ристески, советниците при Советот на Општина Прилеп, прдводени од Претседателот на Советот, Дејан Проданоски, прставници од Боречката организација ,здруженија на граѓани и граѓани , по повод 23-ти Октомври – Денот на македонската револуционерна борба, положи свежо цвеќе пред споменикот на Методија Андонов Ченто , Ѓорче Петров, пред споменикот на Пере Тошев и на неговиот гроб во црквата св. Благовешение.
Денот на македонската револуционерна борба – 23-ти Октомври го симболизира почетокот на организираното македонско револуционерно движење кое понатаму се преточи во конечно остварување на вековните сништа и борба на генерациите македонски револуционери и преродбеници за создавање на современа македонска држава.
„Овој ден кога е формиран Македонскиот револуционерен комитет, верувам дека секој македонец го слави како датум кога е втемелена идејата за националниот идентитет. Датум кога со длабок наклон ги чествуваме храбрите дела на нашите предци кои со организираното македонско револуционерно движење преку Илинден 1903 и Крушевската република, а потоа и преку НОВ придонесоа за создавање на модерна самостојна македонска држава.“ истакна на својата фајсбук страна ,прилепскиот градоначалник,честитајќи го празникот.
Вечерва, по повод 23-ти Октомври – Денот на македонската револуционерна борба , во 19,00 часот ,во собраниската сала на Општина Прилеп ќе се одржи трибина на тема „130 години од македонскат ревоуционерна организација на која ќе говори историчарот, Горјан Василевски