Охридската полиција вчера фатила двајца крадци при вршење кражба во трговски објект на ул.„Маршал Тито“ во Струга. Жените – крадци биле од долненските села, а одземеното било вратено на сопственикот. Против крадците ќе биде поднесена соодветна пријава, известуваат од МВР.
– На 25.01.2024 во 14.30 часот во Струга, полициски службеници од СВР Охрид ги привеле 40-годишната Б.Т. од прилепското село Долнени и 47-годишната С.А. од селото Дебреште, прилепско. Тие биле затекнати при вршење кражба во трговски објект на улицата „Маршал Тито“ во Струга. Кај нив биле пронајдени одземените предмети и биле вратени на сопственикот, соопштуваат од МВР.
По целосно документирање на настанот, против нив ќе биде поднесена соодветна пријава.