Минатата седмица средното општинско училиште „Ристе Ристески -Ричко“- Прилеп организираше отворен ден во просториите на училиштето. Настанот го посетија деветтоодделенците од Прилеп, но и од училиштата од населените места и Општина Крушево, со цел да се запознаат со работата, условите и образовните профили што ги нуди училиштето.
– Со струките што ги нуди нашето училиште обезбедуваме кадри што се барани на пазарот на трудот, а со тоа ја намалуваме невработеноста. Во прва година во СОУ „Ристе Ристески Ричко“ ќе се запишат 313 ученици во 10 паралелки. Учениците кај нас добиваат стипендии, меѓународно признаени дипломи и вработувања по завршувањето на средното училиште во некои од компаниите со кои соработуваме преку дуалното образование. Нашето училиште е различно од другите стручни училишта по тоа што имаме бројни струки кои ги бара стопанството, а преку дуалното образование минатата година, имавме и врабтоувања веднаш, во фабриките: Гентерм, Витаминка, ВИК.. Уписите за идните средношколци започнуват од 2о-ти и ќе траат до 25-ти, а на 26-ти ќе ја имаме листата на примени ученици. – рече директорката на училиштето, Цветанка Ѓорѓиоска.
СОУ „Ристе Ристески Ричко“ Прилеп, познато како индустриско училиште, е расадник на многу успешни луѓе што се дел од заедницата, а некои од нив се успешни и надвор од границите на Македонија со своите знаења и вештини стекна тука. Но, она што ова училиште го одвоува од другите, е неколкугодишната соработката со гермаското стопанство, односно спроведување на дуално образование по германски стадарди.
Во секторот Електротехника учениците можат да изберат меѓу профилите електротехничар за компјутерска техника и автоматика / електротехничар за електроника и телекомуникации, техничар за индустриска мехатроника / електротехничар, енергетичар со практична настава во соработка со компании
и електричар / автоелектроничар. Во Машинска струка , пак, идните средношколци ќе можат да се стекнат со звањата: машински техничар за моторни возила / машинско – енергетски техничар преку пракса во и соработка со компании, техничар за производно машинство /машински техничар, со пракса во компании и автомеханичар / заварувач/ инсталатер за греење и климатизација. Со запишувањето во Сообраќајна струка учениците ќе станат техничар за транспорт и шпедиција и техничар за патен сообраќај, а во Графичка струка ќе се стекнат со звање графички уредник – дизајнер. Додека паралелката Спортска гимназија им овозможува на сите оние кои имаат афинитети кон спортот да добијат стурчно и квалитетно образование за спортски активности и да бидат дел од спортската екипа на училиштето кое се натпреварува во неколку спортски дисциплини.
