Од утре, среда до недела, дневните температури насекаде ќе бидат над 30 тиот степен, а наместа ќе достигнува и над 40 тиот степен. Поради натамошен пораст на температурите, од четврток, насекаде ќе биде активно портокалово ниво, информираат од ЦУК- Прилеп.
Од четврток до недела, метеролозите најавуваат, екстремно топло во Македонија, со температури до 40/ 41 степен и екстремно висок Ув индекс 9.
„За време на топлотниот бран, кој доаѓа од Сахара над нашата територија и понатаму ќе биде присутна прашина и песок, па така и атмосферата нема да биде во целост чиста, а времето ќе биде многу мачно и спарно. Токму поради , ова температурите ќе се чувствуваат како да се многу повисоки од реално измерените.“ велат од „Метеоаларм“
Во пресрет на екстремно топлиот бран од Африка, апелиот е без потреба да не се излегува во најтоплиот дел од денот, од 11 до 17 часот, и да се пие повеќе течности.