Во општинската сала на Општина Новаци на 19 ти октомври се одржaa 24 Пелагониски културно – научни средби. Оваа година, традиционалните награди, Советот на средбите, на чело со претседателката д-р Весна Калпаковска ги доделува на еминентни личности кои со својата професионална работа имаат придонесено за развојот на уметноста, културата и науката во Битола и Македонија.
Повелбата за животно дело ќе му биде доделена на истакнатиот битолскиот новинар, хроничар и фотограф – Петар Ставрев.
Наградата „Златен клас за македонски вознес“ ќе ѝ биде доделена на новинарката Соња Лозановска, за промоција на македонскиот јазик, култура и уметност во Канада.
Оваа година, втор пат по ред ќе биде доделена наградата „Панде Манојлов“ за поезија, оваа награда Советот на средбите ќе ѝја врачи на д-р Лили Бошевска, која во континуитет го облагородува македонскиот поетски корпус со автентичен поетски израз.
Исто така, награда за животно дело ќе му биде доделена и на битолскиот писател Ванде Ганчевски.
Во склоп на Средбите, беше промовиран и Деветнаесетиот број на Зборникот на научни трудови на Пелагонските културно научни средби и ќе бидат презентирани трудовите кои ќе бидат сместени во 20 -тиот Зборник на Средбите, којшто ќе излезе од печат следната година.