Македонската заедница во Чешка се обединува со ново раководство. Во Прага денеска одлучено е раководството да го предводи инг. Коле Боровски како претседател на асоцијацијата „Македонска мисл“ која ги опфаќа сите форми на културен живот во Чешка. Настанот се одржа во рамките на одбележување на јубилејните 25 години од основањето на академско-литературно здружение „Македонска мисла“ за кое зборуваше претседателот на Заедницата Коле Боровски, еден од основачите на здружението. Новото раководство го сочинуваат Коле Боровски, Димитар Кирјаковски, Горан Гацов, Јане Тонески и Никола Колароски. На одбележувањето беше одржан и омаж за последниот претседател на заедницата Гоче Мирчевски (1935-2018) за кој зборуваа неговите пријатели, роднини и колеги.
Македонската заедница во Чешка едногласно почесното претседателско место му го додели на инг. Димитри Кирјаковски, истакнат и прекален борец за правата на Македонците и еден од живите сведоци од Граѓанската војна во Грција и егзодусот на Македонците од Егејска Македонија.„Македонска мисла“ е граѓанска, неполитичка, добротворна и непрофитна асоцијација чии цели се промоција и афирмација на македонската култура, фолклор, јазик и историја и негување на македонско-чешките културни и пријателски врски.