За заштита на своите граѓани, Прилеп донесе и локални мерки за превенција од COVID-19

Одговорно, крајно дисциплинирано и совесно, поради ситуацијата со коронавирусот во која се најде земјата и светотот,  Општина Прилеп на денешната седница на Советот на Општина Прилеп,  и покрај обемниот дневен ред, на прво место го постави здравјето на прилепчани, па сите советници , едногласно ја прифатија предлог- одлуката на градоначалникот на Прилеп, Илија Јованоски, која содржеше препораки и локални мерки за заштита од ширењето на коронависрусот.

Покрај прифаќање и почитување на мерките од Министерството за здравство, локалните мерки по основ на превенција кои ги изнесе градоначалникот содржат:

1.Времено се затвораат приемното одделение и одделението за администрирање на даноци при ЕЛС Општина Прилеп, за прием и услуги на странки. Своите потреби, информации и прашања граѓаните ќе можат да ги реализираат на следните начини:

– Со јавување директно во приемното одделение +389/48-401720 и одделението за администратирање на даноци +389/048-540-001, +389/048-540-002 и +389/048-540-003, секој работен ден од понеделник до петок од 8-16 часот;

– Преку праќање на е-маил на следната електронска пошта: [email protected]

– Преку официјалната веб страна на ЕЛС Општина Прилеп – www.prilep.gov.mk

2. Ќе се изврши дезинфекција на автобусите од јавниот градски превоз. Во зависност од потребата, дезинфекцијата да се врши повеќекратно во текот на денот

Препораките дополнително содражат:

3. Да се редуцира јавниот градски превоз и да се користи само во итни и неодложни случаи

4. Да се изврши дезинфекција на градинките, основните и средните училишта, како и дневните центри согласно препораките од Министерство за здравство и Министерство за образование и наука. 

5.Градот Прилеп забранува организирање на локални настани, јавни собири, културни манифестации, промоции, панаѓури, саеми, спортски настани и слично на локално ниво,  се’ до моментот на изрекување на нови мерки и препораки од страна на Министерство за здравство.

6 А,  наместо лично по пошта,  да се испрајќаат барањата за  ЈАВЕН ПОВИК ЗА СУБВЕНЦИОНИРАЊЕ НА ИНВЕРТОР КЛИМА УРЕД” / „ЈАВЕН ПОВИК ЗА СУБВЕНЦИОНИРАЊЕ НА ВЕЛОСИПЕДИ”. 

 

Воедно градоначалникот упати апел до граѓаните, да го намалат движењето во институциите, освен за итни и неодложни работи. Движењето надвор од
своите домови да го сведат на минимум,  единствено за неодложни и итни потреби. Особено да се избегнува посета на угостителски објекти, паркови, отворени и затворени простори со капацитет за собирање на поголема група на луѓе. Информациите поврзани со новонастанатата ситуација со COVID-19 (корона вирус) да се црпат исклучиво од Министерството за здравство, поради тоа што лажни информации креираат паника меѓу населението.
Прилепчани кои  биле надвор од државата и на граѓаните кои се сомневаат дека имаат симптоми на корона вирус, градот препорачува да се јават  во  Центар за јавно здравје – Прилеп: на тел:  +389 76 475 747 или во Повикувачки центар „Ало   докторе“: на тел : 02-15-123

Седницата на Советот на Општина Прилеп подолжи ,но забрзано , иако имаше над 40 точки на денвен ред , поврзани со буџетот и финсиското работење  на Општината, ЈКП,  училиштата, и други установи кои се под „капата“ на Општината, како и точки поврзани со урбаистичката планска документација за бесправно изградени објекти и  урабното уредување.