CSS Template

Kои прилепчани ќе се најдат на пратеничките кандидатски листи?!

609

Со наближувањето на рокот за доставување на пратеничките кандидататските листи до ДИК за престојните предвремени парламентарни избори , закажани за 12 април, прилепската чаршијата веќе шпекулира со имиња на прилепчани,  и од едниот и од другиот полтички табор,  кои, наводно  би се нашле на изборните кандидатски листи. Се спомнуваат имињата на актуелните пратеници, но и на актуелните активисти od ОО на СДСМ-Прилеп и ОК на ВМРО ДПМНЕ- Прилеп .Се споменуваат и имиња на жени политчки активисти.

Но ,официјално, кандидатите на коалицијата на СДСМ ќе бидат познати в понеделник, на 9-ти март,  на партискиот Конгрес , а на огласот се пријавиле 2000 кандидати.  СДСМ на овие избори ќе оди во коалиција со БЕСА, но можно е и проширување на коалицијата.

ВМРО ДПМНЕ, пак,  вторник ќе одлучува за кандидатските листи, кои јавно ќе биле  објавени во среда,  на 11-ти март, на партиската Конвенција.

Рокот за поднесување на кандидатските листи за пратеници истекува на 12 март .

Според календарот на изборни активности, предизборната кампања официјално треба да започне на 23 март и да трае 20 дена, односно до предвидениот молк пред изборниот ден, на 10 април во 24 часот.

Но , политичката кампања, кај нас , пред секој изборен циклус по некое непишано правило неофицијално започнува многу порано и трае многу подолго, замаскирана зад флоскулата партиски активности и средби со граѓаните.


Vivafarm