Во Прилеп нема регистрирано бездомници. Но, п
оради екстремно ниските температури , луѓето кои немаат покрив над главата или се соочуваат со проблеми за затоплување на домот, можат да побараат помош од МЦСР – Прилеп, кој ги покрива териториите на Општина Прилеп, Кривогаштани и Долнени. Сите оние, кои имаат потреба од ваква помош, заштита од студ, можат да контактираат на броеви : 071/ 397272, Црвен Крст, тел. 070/ 791707 и МЦСР- Прилеп, тел. 070/ 208091
„Моментално во овие Општини немаме регистрирано бездомници, но факт е дека категоријата бездомници некогаш е невидлива, а постоечка. Досега никој не ја побарал нашата помош за да се заштити од студот. Ние, заедно со Министерството за труд и социјална политика и Црвениот крст на Р.Македонија, обезбедивме прифатилиште за бездомниците, па доколку се појават лица ,бездомници,кои би ја побарале нашата помош, би ги прифатили и би им помогнале.“- истака директорот на МЦСР Прилеп, Живко Силјаноски
Привремените прифатилишта за бездомници се наоѓаа во Битола,Струмица и Струга (покрај, Скопје). За бездомниците во прфатилиштата е обезбедена лекарска помош , помош од социјален работник и согласно потреби екипите работат на намалување на ранливост и подобрување на здравствената состојба на лицата бездомници. Покрај овие услуги, корисниците можат да добијат облека, храна и други материјални добра.
Инаку, најниска температура од минус 15 степени изутринава (09.01 2019) е измерена во Битола. Минус 12 во Берово и Прилеп, минус 11 во Струмица, а девет степени под нулата во Скопје.
УХМР најавува нов студен и влажен бран со пообилни врнежи од снег, особено во западните делови. Насекаде ќе се формира нова снежна покривка од 10 до 30 см, а на планините позначителна, над 50 см. Заради ниските температури ќе има појава на голомразица.