И повеќе од заслужено Победа е во првата лига а за тоа секако е заслужен тимот и стручниот штаб на прилепчани кои успеаа во намерата на есен на градски во Прилеп да се гледа прволигашки фудбал. Црвено белите го издржаа притисокот и на прилепската публика и донесоа голема радост , а во исто време ја пополнија и фудбалската празнина која ја имаше долго време во најфудбалскиот град во земјава.Сега кога се создадени услови за чекорење по старите патеки , на Победа и се гледаат многу многу подобри времиња , барем тоа се очекувањата од љубителите на фудбалот.
Во отворената програма на Радио Пела , РАДИО ШТО СЕ ГЛЕДА , посветена на пласманот на прилепска Победа во најквалитетното друштво кај нас , гостуваше фудбалерот на црвено белите Анатолиј Петејчук кој го истакна задоволството од реализираното и успешната сезона за него и неговите колеги.Тој рече дека многу му е мило што го направил вистинскиот потег кога од Вардар премина во редовите на Победа.
Во продолжение и целосниот разговор со младиот Петејчук , ексклузивно во видеото подолу и за Радио Пела.