Се гради контролна кула на полетувалиштето Мечкин Камен

Полетувалиштето на Мечкин Камен ќе биде збогатено со објект неопходен за реализација на спортските активности. Започнува изградбата на т.н контролна кула со повеќе намени која биде на располагање на учесниците во параглајдинг натпреварите за успешна реализација на истите и запазување на строгите меѓународни стандарди. Објектот ќе содржи сала за состаноци и други пропратни содржини кои ќе ги задоволат потребите и барањата на организацијата на меѓународните параглајдинг првенства.

„ Објектот ќе биде наменет како контролна кула која ќе им служи на учесниците во параглајдерство и змајарство. Со ова, продолжуваме со изградба на туристичка инфраструктура која треба да ги унапреди условите за авантуристички туризам во Крушево, но и за параглајдинг и првенствата во змајарство кои секое лето се одржуваат во Крушево,“ вели градоначалникот на општина Крушево Томе Христоски.

Од април па се до октомври Крушево е центар на Балканот за професионални и аматерски параглајдеристи и вљубеници на авантуристички туризам, а оваа година ќе се одржи Светското првенство во змејарство.