Првате 500 седишта, во црвена боја, традиционалната боја на ФК Победа, веќе пристигнаа во клупските простории. Неотпакувани чекаат монтирање на помалата и поновата северна трибина од Градскиот стадион „Гоце Делчев“ во Прилеп.
Настапите во второлигашки ранг, кои стартуваат на 21 август, не се условени со седишта, но добро е тие да се постават за гледачите поудобно да се чувствуваат, а и објектот да добие поубав изглед. Се очекуваат уште неколку пратки за да се исполни целата трибина, чиј капацитет е околу 2.500 седишта.
![](https://radiopela.mk/wp-content/uploads/2021/07/219021505_345580240390197_1130707630620262252_n-1024x696.jpg)
Во меѓувреме се одржува новата, тревната подлога, на која фудбалерите првпат истрчаа на првиот свој тренинг, на 30 јуни. Инаку, постојат два предлози околу свеченото пуштање на стадиот – првиот меч во реновираниот стадион да биде пријателски, на 1 август со скопски Вардар или тоа да се случи на првенствен натпревар, на 21 или 28 август, во зависно од ждрепката.