ЗАЕДНО НА ЕВРОПСКО е емисија посветена на европското ракометно првенство , двочасовна програма во живо во која гостуваат сегашни , некогашни ракометари , спортски работници , новинари, тренери и луѓе кои едноставно уживаат во ракометната игра и ракометот како спорт. Еден од нив е и Менде Петлески , ракометен тренер но и професор ментор кој долго време се грижи за правилниот развој на младите генерации , чија иднина во ракометот се базира на неговите совети и неговото менторство.
Петлески е предводник на школата на македонската ракометна икона за град Прилеп , Кирил Лазаров , КЛ7 и како што вели задоволството е големо кога селекторот на македонската репрезентација ја има целосната доверба во него и во неговите квалитети.
Некогашниот тренер на женскиот ракометен клуб Жито Прилеп , за време на гостувањето во нашата емисија ја анализираше и главната фаза на европското ракометно првенство а истакна дека Данска и Франција според него се фаворити за медал.Во продолжение и во целост разговорот кој го реализираше колегата Зоран Игески со прилепскиот стратег.