Засега на превојот Плетвар нема застој во сообраќајот

Нема ограничувања на движењето на планинскиот превој Плетвар ниту за тешки товарни возила информираат од Македонија пат за Радио Пела. Сообраќајот се одвива во зимски услови, без застој, а екипи на прилепската подружница на Македонија пат се на терен за расчистување на коловозот.

Oд прилепската подружница, напоменуваат дека теренските екипи работат во отежнати услови , бидејќи објектот на превојот Плетвар сеуште не е реконструиран и ставен во функција по пожарот од пред неколку месеци.

Инаку, засега Македонија пат, од 12:30 часот воведе забрана за движење на тешки моторни возила поради интензивните снежни врнежи единствено  на патниот правец Крива Паланка – граничен премин Деве Баир.