Попладнево и прилепските сметководители, како и во повеќе градови низ Македонија, го поддржаа протестот на Група на сметководители и овластени сметководители со кој се бара пролонгирање на роковите за доставување на даночните и финансиските извештаи. Протестот се одржа пред Управата за јавни приходи Прилеп.
Сметководителите бараат пролонгирање на роковите за поднесување на годишни сметки и финансиски извештаи преку законски измени на Законот за трговски друштва со цел подобрување на квалитетот на финансиското известување, да бидат дел од економските мерки за петтиот пакет, што го бара Комората на сметководители при Сојузот на стопански комори на Македонија. Тие сметаат дека во ова време на пандемија им е попречено нормалото работење и извршување на обврските кон клиентите и државата.