ПЕЛА YU хитови

ПЕЛА МАК забавно

PELA CAFE

ПЕЛА МАК народно

ПЕЛА YU фолк

CSS Template

Земјоделците бараат контрола на брашното при увозот

604

Да остане контролата на квалитетот на земјоделските продукти кои се увезуваат во земјава, а истото важи и за хемиските препарати и ѓубрива потребни за земјоделското производство, порачаа на средба со новинарите претставници од Регионалниот сојуз на земјоделците „Клас“. Земјоделците велат дека немаат ништо против увозот зошто е неопходен.
– При увозот на секоја стока треба да има контрола на самата граница во Македонија. Досега, директно, брашното одеше кај преработувачите. Потоа се вршеше анализа и доколку се утврди дека не е квалитетно, а веќе е потрошено, немаше кај кого инспекторатот да се жали. Не станува збор за проблем меѓу двете министерства, туку за неприменување на законот од увозниците во Македонија, вели Перо Стојкоски од здружението.
И не само тоа, земјоделците бараат од државата засилени проверки на квалитетот на брашното кое се увезува, зашто како што велат тие се прават строги контроли при купување на домашната пченица, а се носат сомнителни количества брашно од странство, со што цената на домашниот производ се намалува.
Според преставниците на Сојузот потребно е да се најде решение за недооткупената пченица од ланската реколта, која е тешка околу 30.000 тони или околу една петтина од вкупно произведените количества.

Веб -страницата користи колачиња. Со клик на Прифаќам се согласувате со политиката на приватност и колачиња. Прифаќам Повеќе