Претстојните уписи во средните училишта кои започнуваат од 20 ти јуни беа тема денеска во програмата „Радио што се гледа“, а ни гостуваа професорите Емануела Николоска и Илчо Јорданоски, заедно со учениците Паце Крстеска, Софија Јанков и Елена Слабиѓоеска од СОЕПТУ „Кузман Јосифоски Питу“- Прилеп.
На располагање на деветтооделенците им се 5 профили за кои разговараме подетално за тоа: зошто идните средношколци да го изберат ова училиште? Но, и за тоа: какви занимања се опфатени во понудата од профили, какви се условите за едукативна надградба, за практична настава и воннаставни активности, дали може по завршување на средното образование да се вработат и каде би продолжиле со високото образование, во кои високо образовни институции.
Струките што ги нуди училиштето СОЕПТУ „Кузман Јосифоски Питу“- Прилеп, познато повеќе како економско училиште, се барани на пазарот на трудот:
– Техничар за е-трговија и дигитален маркетинг,
– Економски техничар/бизнис администратор,
– Економски техничар (ДУАЛНА паралелка) во соработка со компании и месечна стипендија од 3,500 ден за секој ученик;
– Правен техничар;
– Продавач – референт за продажни услуги / асистент деловен администратор со стипендија од 3,500 ден, а учениците одат на практична настава во реални компании.