Прилеп синоќа зачекори во пивофестовската еуфорија. Дневните настани се случуваа за најмладите во „Детската зона“ во паркот кај Судот, а првите кампери веќе се сместија во Паркот на Револуцијата.
Вечерта, изненадувањата започнаа на Алтернативната сцена кај Градскиот саат со настап на Marrio Eddie I Dave Schwarz I Alex Joung.
На главната сцена се претставија Прилепски еснаф, дуото Селимова Желчески, Ѓорѓе Давид и Ивана Негатив, како и популарната српска поп група Галија за која очекувано имаше најголем интерес кај публиката.
За потсетување вечерва ја отвара Ален Хасановиќ, популарниот Миле Кузмановски, како и групата Кантурови, а главна ѕвезда е Светлана Ражњатовиќ – Цеца.
Во продолжение фото – галерија:
