Во бифето на ЈЗУ Општа болница „Борка Талески“- Прилеп, утре на 18-ти ноември од 10 до 14 часот, по повод Светскиот ден на предвремено родените бебиња (17-ти Ноември), група на мајки со предвремено родени деца, организираат хуманитарна лотарија. Целта е добиените средства да бидат наменети за доопремување на одделението на неонатологија во Градската општа болница- Прилеп. Со кои проблеми се соочуваат семејствата и предвремено родените бебиња, како се решаваат тие,што може да се направи повеќе… Лотаријата е реализирана со голема поддршка од малите градски дуќани, слаткарници итн. кои донираа свои производи.
Светскиот ден на предвреме родените дечиња 17 ноември се одбележува годинава под мотото ,,Роден прерано: Обезбедување на соодветна грижа, во соодветно време, на соодветно место.“
Годишно во земјава се раѓаат 600-тина предвреме родени бебиња на кои покрај борбата за живот, правилната нега и грижа треба да им овозможи и максимално можен квалитет на живот во иднина. Стапката на смртност на предвремено родени бебиња во државава е намалена двојно и изнесува 12 проценти на годишно ниво.
Целта на овој ден е подигнување на јавната свест во општеството.
Одбележувањето на 17 Ноември како Светски ден на предвремено породени деца, има за цел да се најдат решенија, и соодветна превенција за да се спречат компликациите кои доведуваат до предвременото породување.
Хуманитарна лотарија во Градската болница за Светскиот ден на предвремено родени бебиња
