Општина Прилеп од Министерството за животна средина има добиено околу 9,5 милиони денари за енергетска ефикасност за повеќе објекти. Направена е котлара во СОУ „Мирче Ацев„ со над 5 милиони денари , а добиени се и средства за 13 инвертор системи за во СОУ „Орде Чопела“ и “Ѓорче Петров“, како и за во детската градинка „Наша иднина“. За енергетска ефикасност општината добила и 3,5 милиони денари, за промена на дограмата и столаријата во домот за стари лица „Киро Крстески – Платник“, и во некој од детските градинки.
„Внесовме и седум прочистувачи на воздух во детските градинки во Прилеп. Во минатата година ги пуштивме во употреба и 4 – те автобуси на метан, се со цел подобра животна средина за нашите граѓани. А, за оваа година Советот на Општина Прилеп предвиде од Буџетот 6 милиони денари за субвенционирање, 4 милиони денари за инвертер системи за 400 семејства , каде општината би субвенционирала по 10 илијади ден. за едно семејство и 2 милиони денари субвенции за набавка на велосипеди. Во тек е само одредувањето на критериумите, како ќе се делат тие средства“ – рече градоначалникот на Прилеп, Илија Јованоски, при денешната средба со Заменик-министерот за животна средина и просторно планирање, Јани Макрадули
Заменик-министерот за животна средина и просторно планирање, Јани Макрадули ја пофали опшината како една од ретките која има донесено програма за енергетска ефикасност.
„Пракатично, тоа е делот на Владата која ги поддржува општините во нивните проекти и заложби за чист воздух. Овие активности штедат пари на граѓаните, но и штедат ПМ емисии во воздухот. Сите податоци покажуваат дека вложувањето во енергетската ефикасност покажуваат заштеди од 25% до 30 % . Следен приоритет за спроведување на енергетски ефикасен систем е во музичкото училиште во Прилеп “- изјави Макрадули
Тој истакна дека нема друг начин како да се државата да се справува со аерозагадувањето, освен со елиминирање на изворите на загадување и дека до 2024 година Владата се обврзува да нема ниту еден објект од јавен карактер кој би вршел загадување на животната средина .