Победа денеска стартуваше со пораз во натпреварите од пролетната сезона со гостување во Штип, на Брегалница, лидерот на табелата од Втората лига-Исток. Во натпревар од првото пролетно, а редовно 17-то коло Брегалница, ја совлада Победа со 2-1.
Победа во првиот дел дојде до водство со голот на Грозданоски во 23. минута, во режија на двајцата новајлии: Најдов кој одлично центрираше, а напаѓачот на прилепчани-дебитантот Гроздановски ефектно со глава ја затресе домашната мрежа. Во второто полувреме најпрво Мартин Стојанов, на асистенција на Маневски, во 54. минута израмни, а потоа во 75. минута Дарко Додев стрелаше за конечни 2-1 на асистенција на капитенот Ристе Наумов.
Победа настапи во состав: Котевски, Бошески, Петкоски, С. Спиркоски (од 83 мин Каралиоски), Стомнароски, Митрески (од 90 мин Ф. Спиркоски), Дунимаглоски, Ангелески, Јошески (од 73 мин Кисески-Илијоски), Најдов (од 90 мин Симјановски) и Грозданоски.
ВТОРА ЛИГА – ИСТОК (17. КОЛО)
Слога Виница – Кит Го 0-2
Брегалница – Победа 2-1
Тиквеш – Росоман 3-0
Осогово – Каменица Саса 1-1
Кожуф – Плачковица 0-0