Во последните 24 часа се направени 3.816 тестирања, а регистрирани се 721 нов случаj на Ковид-19, информираат од министерството за здравство, од кои во Скопје 334, а во Прилеп повторно на второто место со 56 нови случаи за последното деноноќие. Од останатите градови регистрирани се во Крушево – седум новозаболени каде исто така е во пораст бројот на нови случаи со Ковид 19.
Според порастот и ширење на епидемијата, Прилеп со 641 е на врвот после Скопје (3 681) по бројот на активни случаи.
Бројот на КОВИД-дијагностицирани лица во нашата земја од почетокот на епидемијата достигна 102 482 од 519 985 направени тестирања. Оздравени се 91 066, а починаа 3126 пациенти.
Пријавени се седум починати лица – двајца пациенти од Скопје (68 и 81 година) и по еден пациент од Тетово (49), Прилеп (73), Струмица (76), Кочани (72) и Делчево (43). Сите се починати во болнички услови.