Екипата на ШК Прилеп успеа да избори реми (3:3) со фаворитот, скопски Гамбит, во последното, 7 коло, на Екипното шаховско првенство на Македонија, во Струга. Со овој резултат Гамбит, кандидат за титулата, е спречен да биде и второпласиран, бидејќи за тоа му беше потребна победа и 2 бода, за вкупно 12. Поединечно, за прилепскиот тим победа постигна ВМ Бобан Богосављевиќ, а ремизираа ВМ Мирослав Миљковиќ, Горан Готовуша, Кире Николоски и Дејан Ѓорѓиески. Така, ШК Прилеп е на 4 место со 8 бода, освоени преку победите над Карпош (5,5:0,5), Центар (5:1), Анпасан (4:2), нерешените со Куманово (3:3) и со Гамбит (3:3), додека порази се доживеани од Гостивар (2:4) и од Алкалоид (1:5). Шампионската титула ја одбрани скопски Алкалоид (во чии редови е прилепчанецот ВМ Звонко Станојоски) со собрани 13 бода.
Табела: Алкалоид 13, Гостивар 11, Гамбит 11, Прилеп 8, Куманово 7, Анпасан 4, Центар 1, Карпош 1.