Екипата на Победа се врати на 1. место од табелата на Втората фудбалска лига – Исток, преку победата од 3:1 над гевгелиски Кожуф. 
Иако домашните постигнаа 3 гола, преку Даниел Карчески во 23., Игор Момировски во 34. и Давид Јошески во 92. Минута, на Градскиот стадион „Гоце Делчев“ близу 2000 гледачи 6 пати се радуваа, бидејќи од разгласот слушнаа за трите гола на Осогово против досегашниот лидер, виничка Слога, така што резултатот од 3:0 во Кочани придонесе за искачувањето на Победа на 1. место. 
РЕЗУЛТАТИ 11. коло: Победа – Кожуф 3:1, Осогово – Слога 3:0, Детонит – Кит-Го 1:0, Беласица – Братство 2:0, Локомотива – Саса 0:0.
ТАБЕЛА: Победа 26, Слога 25, Саса 21, Беласица 20, Кит-Го 16, Осогово 14, Детонит 13, Кожуф 12, Локомотива 5, Братство 4.
ИДНО 12. КОЛО: Саса – Победа, Братство – Осогово, Слога – Локомотива, Кожуф – Детонит, Кит-Го – Беласица.