Убавиот амбиент од околу 700 гледачи, во повторно отворената Универзална сала, ги инспирираше ракометарите на Еурофарм Пелистер за убедлив триумф од 41:24 врз домашниот Прилеп.
И вака високата победа на лидерот на суперлигашката табела е очекувана, додека за прилепскиот тим добивка е самото искуство кое многу значи за младите домашни ракометари.
На полувреме беше 22:12 за гостите. Публиката, која дојде во максимално дозволениот број, ги поздрави убавите потези на двете екипи. Беше доживување по долги години да се биде во објектот во кој се имаат случено значајни спортски и ракометни настани.
Во следното коло Прилеп пак игра дома, со скопски Бутел.