Екипата на Прилеп севраќа со три важни бода од гостувањето во Радовиш, во 20. коло на Супер лигата. Младиот состав од тренерот Горан Кузманоски – Таста уште во првото полувреме наметна своја игра и иницијатива, така што на полувреме беше 12:16.
Во ист ритам се продолжи и во второто полувреме. Радовишаните дадоа солиден отпор, но прилепчаните сосема заслужено на крајот славеа со 28:36.
До крајот на основниот дел од Супер лигата остануваат уште две кола. Во следното Прилеп е домаќин на Охрид.