Четврт ден од како исчезна Блаже Аљакоски (76) од Мало Коњари, прилепско, и од него нема ни трага ниту глас. Неговиот син Раде во 3 наврати организираше потрага заедно со соселаните на локациите каде се упатил околу селото за, како што рекол, да бара комбајн за жетва.
Блаже Аљакоски излегол од својот дом на 5 ти јули околу 11 часот во атарот на с. Мало Коњари со својот велосипед. Возел црвен спортски велосипед, носел темно плава маица со кратки ракави, тренерки и бели патики. Како што вели неговиот син Раде Аљакоски тој бил во добра физичка кондиција, свесен, весел, шеговит, работоспособен за своите години и немал знаци на деменција, ниту склероза.
„Денеска, полицијата дојде на увид на локацијата каде последно е виден низ полето, на потегот меѓу месноста Среднополе до Кадински пат. Последно на таа локација меѓу селата Мало Коњари и Кадино село го виделе двајца соселани кои разговале со него. Во неколку наврати пребарувавме организирано во групи со роднини и пријатели кои добро го познаваат теренот, направивме и снимка со дрон, но ништо не најдовме, никаква трага. Многу е чудно, неверојатно! Ќе продолжиме со потрагата по мојот татко, ги повикувам сите добронамерни луѓе доколку имаат некаква информација да се јават на тел. 078-351-722, “ вели во телефонски разговор Раде Аљакоски.
Секоја информација е добредојдена, велат од семејството, во очекување на било каква трага од 76 годишниот Блаже Аљакоски.