Од 13 до 14 денеска магистралниот пат Прилеп – Градско ќе биде затворен за сообраќај. Ова доцна синоќа го најавија неформалните организатори на протестите против францускиот предлог. Протестите „Ултиматум, не благодарам“ денеска од 13 до 14 часот покрај блокадата кај Заполшки мост на излезот од Прилеп, ќе се организираат блокади на сообраќајниците во Скопје пред Владата, на патот Велес-Штип, Струмица- Радовиш како знак на протести против францускиот предлог за кој граѓаните бараат од Владата да го отфрлат затоа што води кон бугаризација.
За во 13 часот и 15 минути на блокадата кај Заполшки мост најавена е изјава за медиуми од Ѓорѓија Сајкоски, генерален секретар на ВМРО ДПМНЕ.
Вечер и утре нема да има протест, а наредниот е закажан за в недела во 19 часот пред Владата.