Фудбалерите на Победа денеска го имаа последниот тренинг пред стартот на сезоната во елитното друштво на Првата македонска лига. Фудбалската сезона со својот меч утре, сабота 6 август од 17,30 часот во Струга ќе ја отворат домаќинот Струга Трим Љум и прилепска Победа.
Главен судија на мечот ќе биде Стојан Трпчевски од Кавадарци кому ќе му помагаат сограѓаните Драган Трпчевски и Душко Панов, а 4-ти судија ќе биде Благојче Ралевски од Битола. Делегат на ФФМ ќе биде: Сулејман Ибиши од Тетово а контролор на арбитражата Алилерџан Хаџипази од Гостивар.
Мечот во сабота Струга Трим Љум-Победа директно ќе биде пренесуван на програмите на МТВ и Арена спорт.
Фудбалската федерација на Македонија (ФФМ) им излезе во пресрет на Шкендија и Шкупи и ги одложи нивните мечеви. Тетовчани ќе го пречекаат Скопје на 17 август со почеток од 17:00 часот, а бранителот на титулата ќе гостува кај Тиквеш на 7 септември во 16:00 часот.
Во тековната сезона ПМФЛ ќе брои единаесет екипи, поради откажувањето на Ренова.