Министерот за транспорт и врски, Благој Бочварски очекува на почетокот на април да се официјализира изградбата на патниот правец од Коридорот 10 д, Прилеп – Битола, како и на другите патни правци, кои се дел од Коридорот 8.
„Патниот правец од Коридорот 10 д, Прилеп – Битола, како и другите патни правци од дел од Коридорот 8, очекуваме на почетокот на април да се официјализира со поставување камен-темелник на Коридорот 8 и на Коридорот 10 д, а во согласност со договорот, во втората половина на април веќе и да почнат градежните работи“, рече Бочварски.
Во однос на движењето на сообраќајот секоја градежна оператива, имала обврска да изработи сообраќаен проект со кој што ќе биде регулиран сообраќајот по тој патен правец доколку реконструкцијата се работи на истата траса.